香港新浪網 MySinaBlog
« 上一篇 | 下一篇 »
lee | 1 June, 2016 | 一般 | (42 Reads)

俗 語有話「一哭二鬧三上吊」,雖然誇張,但估唔到今時今日廿一世紀,原來仲適用!昨晚就有一名26歲女子係石硤尾屋企,企圖以跳樓迫婚,危站窗台,上晒報 紙,仲搞到動用消防同差人遊說大半個鐘,最後先肯返入屋。其實唔知幾時開始,香港女仔已經自定一個結婚年齡係30歲,仿似一過咗3字頭未結婚就怕人閒言閒 語。迫婚唔一定極端到好似呢位女仔咁跳樓,仲有大把其他招數一樣畀到壓力男朋友,不過招數都有��高手同低手,一唔覺意反而適得其反,嚇走人㗎!

自我貶值

一段關係係雙方平等嘅,如果閣下不斷迫婚,某程度上即係將自己Undervalue,只要令對方產生一個高高在上嘅感覺,反而令你自己變成呢段關係嘅下把位,難聽講句就係求人要你,絕對係等如將自己貶低呀!

雙方決定

結婚係人生大事,其實絕對係迫唔嚟,呢個決定一定要係雙方自願先會有Happy Ending,只要你諗通呢一點,就會知道自己就算成功迫到對方結婚,其實都唔會開心,對方反而會覺得不被尊重。

愈迫愈走

好多男人其實都係好細膽,鍾意逃避,唔敢面對,唔敢講自己心聲,有時寧願避開都唔願意講出口,有好多情況迫婚的話,有男人會選擇直接分手都唔想再解釋,佢哋唔係唔鍾意你,只係怕你煩。

婚姻未必啱佢

其實不論男女,對結婚可能有唔同睇法,對方未必係唔鍾意你,或者唔想同你同度餘生,只係唔相信婚姻,覺得係一種束縛,所以你迫婚即係要強迫佢改變固有信念同價值觀呢。


 

更多迷你倉,