香港新浪網 MySinaBlog
« 上一篇 | 下一篇 »
lee | 11 June, 2016 | 一般 | (6 Reads)

身 邊總有幾位黑面神,無端端唔出聲就好似嬲咗全村人咁,但其實識落本身係好好人、又健談,點解會咁呢?好醜命生成,天生面黑其實都唔想架喎,對於平時一無表 情就畀人覺得係黑面嘅人(故意黑面當然不屬此類啦),外國就有一個學名叫Resting Bitch Face(RBF),外國代表人物當然有咸嫂Victoria Beckham,香港喇喎,徐濠縈走唔甩啦。其實被稱RBF都算慘,有時明明不過攰啲,又畀人話你擺款,覺得你奄尖腥悶。外國網站就搵咗十多位RBF,每 人講一句心底話,不如一齊聽下佢哋有咩想講啦!

你愈指責我黑面,我就會愈黑面

有雞先定有蛋先?其實我愈聽到有其他指責我黑面嘅時候,我就愈嬲;愈嬲,我塊面就愈黑!

我要畀人地表現得更愛公司

返到公司,我比其他人多一倍努力去展現我係愛公司、愛呢份工,如果唔係老闆同埋同事一定會覺得我好唔想返工。

叫我「笑下啦」其實好怪

朋友同事知道我係天生口黑面黑,就會經常叫我「笑下啦你」、「放鬆啲」,其實無端端一個人做乜會傻笑呢?

我面黑唔代表我抑鬱

我目無表情唔代表我抑鬱;我唔笑唔代表我嬲緊,只不過我無咁多表情可以豐富到令你覺得我係開心啫。

唔好再同我講「估唔到你幾好相處」

我面黑,其實我都唔想,點解大家一定會先入為主覺得我係一個難相處嘅人呢?就算你咁誤會咗,可唔可以唔好當笑料咁講畀我知?

點解男人RBF就叫有型

呢個RBF個名本身已經係歧視緊女人!點解男人天生面黑就叫Cool就叫有男人味?女人永遠就要畀人指責呢?

男人一定話我難以相處

尤其第一次約會,就係因為我黑面,男士就會覺得我係「扮Cool」,覺得我刻意為難佢哋,覺得要氹我笑好慘好折磨。

 

更多迷你倉,